房屋研究 – Page 10 – Liber Research Community 本土研究社

【新居屋限售期改5年就冇人炒?】

【新居屋限售期改5年就冇人炒?】文章發佈日期：2021年12月31日林鄭今日宣佈將居屋同綠置居轉售期限制，由原本2年改為5年，一改過往公共房屋私營化的論調，跟足口徑講 #用來住不是用來炒，然而措施是否有效遏止炒風與自住需要競爭? 去年本研社已聯同明報深入研究，查冊揭發77宗近年解除轉售限制，透過「白表居屋二手市場」計劃短炒轉手圖利個案，平均獲利240萬，若果改為過5年才可轉售，估計仍然可平均年賺約50萬。炒賣問題一直嚴重，影響真實自住用家入場，但對炒家來說，有什麼投資好得過能夠連續5年每年穩賺50萬? 單從此粗略估算，已知居屋改為5年限售來隔絕炒家，註定失敗收場。房屋政策「半桶水」幾近成為現今房屋施政的一大特色，一手樓空置稅冇哂影、劏房租管管完照加租、租住公屋持續萎縮、增加居屋但愈益納米化，同樣賣居屋政策也是不情不願回歸居屋政策「初心」，返回原初十年禁售期，才有望隔開自住需要與投機需求。當中原因很可能仍受新香港下勢力持續坐大的地產利益影響，連一些在房委會的利益代理人指居屋限售會「影響流動性」，明顯怕現時居屋居民買地產商私樓的需求，少了投機客也影響居屋能夠進取定價及未來補地價的財政收入，令房屋「用來住不是用來炒」成為空談。 -- [...]

lrcresearcher2022-10-18T21:13:26+08:00January 5th, 2022|房屋研究|

【2020納米樓落成量再創新高!】

【2020納米樓落成量再創新高!】文章發佈日期：2021年12月27日本研社最近統計，260呎或以下納米單位數目，由2019全年1,805伙續升至2020年2,143伙，佔總一手樓單位數10.3%，即十間中就有一間屬納米單位。除了過往十多年納米王恆基，2020年恒大亦成為了主要納米樓供應商，單是恆大·珺瓏灣一、二期，已興建近600多個納米樓單位，當中「納米鋅盤」亦成為一時佳話。政府在現今「告別劏房」的大綱領下，稱只會在賣地條款限單位最低面積200/210呎，然而大部分納米樓單位都來自於私人重建，將會令限呎政策近乎報廢。今年納米樓落成數字仍在整理，儘管開始出現蝕讓潮，不過預計發展商仍然在未來繼續興建這類極細單位賺到盡，甚至下年新居屋及綠置居項目都有為數不少低至180呎的納米樓單位發售，帶頭違背剛發佈《香港2030+》人均居住面積達237呎的長遠目標，降低一般市民居住質素。【港台新聞】本土研究社發現去年「納米樓」佔一手住宅供應約一成 https://bit.ly/3pvU9FE 【細讀版】《納錐之地》報告全文：http://bit.ly/3nd68n2 - [...]

lrcresearcher2022-10-18T22:13:32+08:00January 5th, 2022|房屋研究, 精選|

去信公開《市區重建局 #油麻地及旺角地區研究》報告全文

【去信公開《市區重建局 #油麻地及旺角地區研究》報告全文】文章發佈日期：2021年10月22日上月尾市建局公布完成油旺重建研究報告，重建範圍幾乎佔整個油尖旺區，影響人口接近30萬，將會喺香港史上佔地最大、影響最多人嘅重建計劃。影響如此深遠。但市建局只肯公佈「結果及建議摘要」【註】，已經完成的報告全文不翼而飛。消失了的完整報告涵蓋： 1) 基準和數據分析 (樓齡和樓宇設施狀況、樓宇密度、環境及基建容量) 2) 特定課題的研究(包括實施機制) [...]

lrcresearcher2023-04-21T16:27:18+08:00November 16th, 2021|土地供應, 土地及房屋研究, 土地規劃基建, 市區重建, 房屋研究, 開放資訊研究|

未來新樓將限210呎　代表你唔駛住納米樓?

【未來新樓將限210呎　代表你唔駛住納米樓?】文章發佈日期：2021年10月14日經過民間多年人均居住面積立法倡議，政府近日開始放風話只會以210呎(20平方米)作為下限，但遠遠涵概唔到210呎到260呎同樣設計類型既 #納米樓單位，俾發展商既要求真係低到一個點。連賺到盡既市建局，都早以因居住質素理由訂明自己重建項目建不低於260呎單位，依家已經再進一步提高左，所以要求得210呎下限根本完全冇難度，無法有效阻止地產商透過擠低單位呎數進行的抬價行為，不斷製造根本不合適長期居住的不適切居所，所以依家地建會班大孖沙好快口都冇話反對。其實最新趕出爐個份《香港2030+》update版，自己都定左話未來人均居住面積可以去到237呎，如果根據依家放風剩係訂為210呎下限，咁就連自己剛訂出既目標都提早走數。仲記得我地研究社年頭發佈《納錐之地》的納米樓研究報告，提及過最低消費都應該係260呎，因為呢個數以下既絕大部分都係唔適合多過一個人長期居住既冇房開放式單位，當時上哂中外媒體政府冇得唔關注，而家俾中央落左指令要求2049告別劏房，但竟然仲繼續批則起啲極細單位，好快就見到依家既官員係有心解決房屋問題，定係純粹想做下樣，博冇哂社會聲音就蒙混過關。發展局局長話個限價研究會好快研究完，似乎對佢黎講只係為左訂一個唔會影響到地產商會既數目字。但真正既人均居住面積研究，唔係純粹搵一條人類生存下限既低線，而係一個探索一個住戶各種真實空間需要既社會研究。如果個研究唔係真係搵香港市民自己定一個下限，最後只係會變成一個數字遊戲。自訂一個下限卻無法為居住問題帶來任何希望，亦將是在人均居住面積立法可以預視的結果，我地估最後方案會送多10呎，然後上車客未來都係註定要買納米樓。 [...]

lrcresearcher2021-11-16T17:22:58+08:00November 16th, 2021|房屋研究|

【整改清算】香港地產商十大高危「#壟斷行為」

【整改清算】香港地產商十大高危「#壟斷行為」文章發佈日期：2021年9月21日外電指地產商受中央施壓引起全城烘動，地產股亦隨著恒大爆煲而大跌。其實所謂「遊戲規則已經改變」並非重點，「壟斷行為」一詞才是對地產商來說可以內容無限擴充的紅線，如何才構成「壟斷行為」暫時沒有任何定義，以下嘗試探討香港地產商十大最高危的潛在「壟斷行為」，從而預視香港地產商將會否/如何遭到整改清算。￭ 1 #囤積居奇單是四大地產商抬面有上千公頃土儲，估計仍有大量未登記、仍然掌控在俗稱「艇仔公司」的中介手上的土儲，亦未完全反映入公司年報，圈地規模遠超枱面所及。這些土地資源本來是尋常百姓的家園、自給自足的農田、自然生態的棲息地，都被囤積高度集中化起來。這些囤起來的土地資源無論有多不適合作發展，現時都歸咎政府阻礙他們點地成金，也不讓出來還原各種用途，為社會作業及自然環境重建生機。只肯短借出來作過度屋，收回之後又能借機變豪宅。地產商的囤積壟斷，並不限於公開在公司年報上的一千公頃土地儲備，還有每年囤起上萬個已建成空置單位。本來針對此問題的《一手樓空置稅》條例草案，準備好通過最後都可以失踪泡湯，繼續容許地產商將手上空置單位待價而沽，彰顯了後國安法時代地產影響力仍然法力無邊。￭ [...]

lrcresearcher2023-04-21T16:30:49+08:00November 16th, 2021|土地供應, 土地及房屋研究, 土地規劃基建, 房屋研究, 精選|

【地產商又嬴】國安法下投英中港地產商食盡兩家茶禮調查報告

【地產商又嬴】國安法下投英中港地產商食盡兩家茶禮調查報告文章發佈日期 : 2020 年 10 月 21 日國泰港龍大裁員，匯豐中英夾攻令股價前途暗淡之際，好少人留意原來有一大堆中港地產商依然能邊撐國安法，一邊大舉投資英國地產發展食兩家茶禮，長袖善舞得惹人妒忌。 [...]

lrcresearcher2021-11-14T18:43:59+08:00November 14th, 2021|房屋研究, 精選, 開放資訊研究|

【水深火熱】樓市撤「辣」後公司及非港人買家交易額比例激增5.5倍

【水深火熱】樓市撤「辣」後公司及非港人買家交易額比例激增5.5倍文章發佈日期 : 2025 年 4月 11日樓價自數年前回軟，在地產界施壓下，去年年頭政府撤銷實施12年的「辣」招（即炒樓稅），一年後效果漸漸浮現。最新財經事務及庫務局披露的數字顯示，撤回炒樓稅對整體住宅市場有「立竿見影」的效果，非香港人及公司買家比例及成交額激增【註1】：[2020-21財年]買家類別｜成交金額 [...]

lrcresearcher2026-02-27T14:31:00+08:00November 14th, 2021|土地及房屋研究, 房屋研究|

【#一手樓空置稅條Bill最後去咗邊？】

【#一手樓空置稅條Bill最後去咗邊？】 #施政報告文章發佈日期：2021年10月6日立法會再沒有所謂「反政府人士」阻礙施政，立法暢通無阻。今日施政報告破天荒加上一份「擬提交予第七屆立法會的立法建議」（下屆），洋洋灑灑列出四十項立法建議，展示新政治環境的施政能力。唯獨林鄭上任初期提出、已經完成條文撰寫的「一手樓空置稅」，仍然未有跡影，似乎已經鐵定走數。施政報告提出多項有利地產商措施一籮籮，降低祖堂地交易門檻、原址換地補地價金額標準化、降低重建強拍門檻、私人重建發展可以轉移地積比、繼續活化地產商工廈土儲、精簡城規流程，如果做地產商睇施政報告應該好開心。冇左一手樓空置稅，土地供應再多，到最後出貨個刻，地產商仍可以唧牙膏抬價賣樓，2021年最近期數字一手空置單位升到成1.17萬個單位，似乎是林鄭收收埋埋不想提起，比起盲目搵地，專登開個供應黑洞俾地產商繼續進行 #壟斷行為，係咪想博市民大眾睇唔到? #一手樓空置稅 #房屋研究 #供應黑洞 -- [...]

lrcresearcher2021-11-13T22:09:50+08:00November 12th, 2021|房屋研究|

【挫棕複雜：地產商疑似「橫刀奪地」離奇事件簿】

【挫棕複雜：地產商疑似「橫刀奪地」離奇事件簿】文章發佈日期：2021年7月7日民間多年來終於推動到政府檢視新界棕地發展，但至今只係肯額外收多唔夠50公頃 (佔全港2000公頃棕地約2.4%) 嚟做公營房屋。成日話新界地權問題「錯綜複雜」，近日有單好少人為意嘅規劃申請，好可能揭示出地產商在棕地上有「橫刀奪地」之嫌，可以折射到香港土地問題既一大癥結。事源，今年6月流浮山有個城規會佔地足足5公頃既規劃申建【註1】，擬建10棟私樓共4,829伙（申請編號： YL-LFS/12）。申請文件中煞有介事提到，增加住宅供應刻不容緩，請求城規會盡快通過，更直指進行中既棕地發展檢討，並不切合「轉變中的規劃狀況」，例如申請地點附近將有「不少的公營房屋發展」，且鄰近天水圍新市鎮，若城規會批准發展私樓，將「能平衡公營和私營房屋的比例」。【註2】申請文件附夾申請具體地點，基本上與規劃署今年3月提出第二階段收回棕地的沙江圍北選址相當刎合【註3】（位置相約，涉及棕地面積同樣為5公頃），係政府現時收堆棕地裡面算係較大既一塊。 [...]

lrcresearcher2021-11-13T22:19:03+08:00August 28th, 2021|土地供應, 土地及房屋研究, 房屋研究|

【政府加碼補貼過渡屋每間55萬　成本緊貼公屋單位】

【政府加碼補貼過渡屋每間55萬　成本緊貼公屋單位】文章發佈日期：2021年7月16日被御為係林鄭房屋新政既「過渡性房屋」政策，本來係民間一個「快靚正」既解決房屋問題選項，到近年政府搵左唔少夾地產商拎私人地俾社福機構做，之前已經俾民間批評過變左幫地產商平整定塊生地既「過橋屋」。近日立法會文件揚左成份(已)啟動清單出黎，成日話搵唔到地原來話有就有，過半選址曝光左唔少囤積多年既地產商私人土儲，15,000個臨時單位話咁易輕易「達標」，在任期將至標榜自己房屋政策冇「走數」，又有幾真? 成份文件一大「亮點」，可以睇到政府「優化」左最新過渡性房屋既補貼政策，變左起一間貨櫃屋政府會補貼最多55萬，對於一間只用幾年貨仔既貨櫃屋，成本可以講得上係天價。對比番55萬補貼一個臨時房屋單位，2021年起一間用到幾十年既公屋單位最新建築成本，都只不過係61萬一間。如果塊私人地最後由政府收番繼續做過渡屋就冇可厚非，但如果係拎出黎幾年就俾地產商收番起豪宅，根本係極度浪費公帑既補貼做法，點解政府唔直接收番塊地黎起公屋? 當然條數唔知伙拍團體之間點claim補貼，但單睇恆地兩塊棕地土儲伙拍「新界社團聯會」起成2,000幾個過渡性房屋，咁已經可以拎成11億政府補貼。而地產商出黎「免費」平整土地等起豪宅既成本，又會唔會可以暗中計左入去每個單位個55萬補貼裡面? 立會文件基本上冇詳細交代，立依家法會亦唔知重有冇足夠智慧去追問呢個問題。今次計劃亦狠狠打破左政府一路以黎既棕地謊言。在選址方面，完全印證左其實就算幾偏遠既棕地都好，都可以拎到出黎做「資助房屋」，例如位處粉錦公路旁，介乎於林村同橫台山之間既「打石湖村」，一直都係棕土集中營。政府成日話因為位置偏遠唔適合收黎做鄉村式公屋，但係新世界用黎做居民組群一樣既過渡性房屋，起510間4層近千人住，一下變得就得，點解唔慳番成2億補貼直接收左佢起鄉村式公屋? [...]

lrcresearcher2021-11-13T22:20:57+08:00August 27th, 2021|土地及房屋研究, 房屋研究|