好誠實研究計劃
《未來土地發展真實選項：好誠實研究及公眾諮詢》由本土研究社及民間土地資源小組合力製作，目的是抗衡政府和土地供應專責小組的土地大辯論。我們免費印刷了多本報告，免費向公眾派發。
埃及遷都「反開羅」 將會是北部都會區的未來?
【埃及遷都「反開羅」 將會是北部都會區的未來?】 文章發佈日期：2021年11月10日 在近年，橫空出世的城市新區計劃如雨後春筍，大多集中在威權體制的發展中國家。它們與明日大嶼、北部都會區一樣，均打著「飛地城市主義」(enclave urbanism) 旗號－在「無雷公咁遠」的地方從頭建立一個具有特殊目的、且有排他性(exclusivity)社區的城市規劃概念。然而這些重心轉移計劃的真實面，將會為城市生活來一個怎樣的未來，近日埃及宣佈遷都的「新開羅」計劃是個完美案例。 埃及遷都計劃：「新開羅」(New Cairo) vs 「反開羅」(Anti- Cairo) [...]
地產商「投資失敗」都有安慰獎收?
地產商「投資失敗」都有安慰獎收? 文章發佈日期：2021年5月17日 上星期五政府宣布從新鴻基及新世界等手中收回3塊新界地，包括元朗YOHO Midtown旁核心地段，興建公共房屋。 睇落好似政府重手出擊「打地主」（連YOHO MidTown 旁黃金地段都收！），「重創」地產商發展大計，起公屋拯救水深火熱嘅基層市民？事情當然冇咁簡單。 呢3塊地，其實已經係政府兩年前表示會收嘅10塊地當中嘅3塊，並唔係新嘢。但現在不單止係拖延咗兩年，仲要得返一半都無。林鄭當時高調喺施政報告公佈計劃時嘅「全力以赴」增加公屋供應嘅精神，已經燃燒殆盡。 更加嚴重嘅係，南華早報剛剛揭發，原來呢3塊地似乎係地產商眼中發展唔到嘅「豬頭骨」地，對於地產商「可有可無」，政府主動收地仲可以幫手收拾殘局。 [...]
土地共孽：濕地門口層層疊 林村樓39層高人口Double
土地共孽：濕地門口層層疊 林村樓39層高人口Double 繼南豐打頭陣之後，恒基新鴻基今日再入兩個大型「土地共享」申請，分別建議喺大埔汀角路起17層、對著南生圍起25層、林村裡面起39層嘅住宅大廈，位置偏遠，一睇就知呢種由地產商主導既規劃模式出現極大問題。 極高密度唔單只衝擊地區規劃佈局，當中政府要俾動輒億億聲既修橋補路收地成本，為左服務地產商提出既山卡啦位置，拖走埋本身處理房屋土地問題既規劃資源，重有機會順路破除埋同區地產商土儲既發展限制。 如果你睇新鴻基個塊可謂貪婪之最，本身位處濕地緩衝區，發展密度由0.34變4.14，暴增12倍。地產商建議政府開個條路，重會駁到去丁屋大王王光榮(部分)持有既超巨型潛在套丁土儲，亦都好有機會順路緩解埋附近新鴻基剛拎左既1500間「跨代共居」豪宅項目。咁濕地啲雀冇得留底? 新鴻基話個樓契會要求住戶唔好光污染對出南生圍濕地，就做到減低對濕地環境影響，真係好「有效」。 其實恆基個塊都不相伯仲，39層勁過誠哥個洞梓觀世音像，本身揀個塊地係曾經先破壞後發展既經典例子，呢個發展計劃仲會帶來額外多34000人，係現時整個林村谷人口嘅約莫1.5倍，想像下林村條雙線雙程路會發生咩事，即使政府開多兩條大路幫佢駁到入林村既樽頸位，起好後包保日日大塞車，同引發原有選擇鄉村生活既居民移民潮。 究竟呢條屎橋邊個咁叻諗出黎? 翻查翻成個土地共享政策既歷史脈絡，最早追溯到工商界代表黃友嘉既智庫2012年已經提出相類似既建議，及後2017年由林鄭開展「土地大辯論」，預設地產商農地要用「公私合營」模式發展。政府話避免土地共享計劃令人有官商勾結嘅觀感，成立個「土地共享小組」提供第三方意見，竟然委任返黃友嘉做主席，真係好可信噃。 歸根究底，係公私合營呢個遊戲設定，必然導致規劃災難。呢個分地遊戲既最核心精神，說穿了就係透過倍大原有用地上既發展密度，將額外多左既樓面俾7成政府起公屋，地產商自己再在原有地盤以上擸多3成。在此玩法之下，註定左地產商一定會拎啲本身好低密度/豬頭骨既地出黎玩，再將密度無節制擠到最極大，反正都係政府出錢支撐個交通負荷，再圈埋附近既官地入去計大條數，亦都可以幫地產商收埋啲自己收唔到既小地主/民居既地。 [...]
國際期刊回顧：「明日大嶼」聲名狼藉已是國際級
發佈時間：2022年12月29日 政府正式向立法會提交文件【註1】，審議「明日大嶼」（中部水域人工島研究）草案，早前政府披露最新資料，保守造價估算增至5800億，通漲、工程超支等因素所造成的額外成本更是難以想像，「島嶼飄移」、破壞生境等潛在問題，亦在本地已惹來極大爭議。 然而香港極少有一個土地發展計劃，這幾年內可以引來眾多學術研究與國際期刊上討論，綜觀有提及「明日大嶼」（Lantau Tomorrow Vision）的相關論文及著作，無論從社會學、地理學、環境科學、城市規劃學、經濟學、政治學等，都對此開發大計從各方面口誅筆伐。這裡整理主要8篇討論明日大嶼人工島的國際學術期刊著作，看看這個大型填海計劃如何未動工已在國際上「聲名狼藉」。 ▍無用之島：效益成疑 政府一直強調，土地房屋供應的政策，除了考慮上述的成本問題，亦需審視效益，但綜觀學者對「明日大嶼」在房屋，以及滿足人口需求等問題上，普遍亦認為效益成疑，英國學者Creighton [...]
唔止康文署泳灘 全港究竟有幾多座海灘？
【探熱專題】唔止康文署泳灘 全港究竟有幾多座海灘？ 全球暖化，酷熱天氣下能在戶外做的運動不多，大城市在熱島效應下份外炎熱，到海灘游水為室外運動少有的選擇。香港地理環境得天獨厚，擁有頗長的海岸線，達722公里，亦有263個離島，但康文署轄下只有42個憲報公布主要泳灘，難以足夠全港750萬市民享用。 究竟香港有多少個海灘？現時並無一個正式統計。研究員透過運用政府最新提供的全港3D地圖，配以Google Map及開源地圖OpenStreetMap等地圖資料驗證，點算全港共有至少619個海灘（石灘、淡水河灘、及長度短於20米的海灘不計算在內），並整合成「香港海灘地圖」，連結見下。 「香港海灘地圖」 *地圖中的海灘若為無名海灘，則會依其所在附近位置作暫名，例如「[附近地名]無名海灘」。若無官方命名但事實上有通用的地名，則須有可靠的佐證才能作準。若有地理不當之處，歡迎公眾予以指正。 ▍除咗鄉郊近海地區 竟然連中西區和東區都有天然海灘？ 綜觀識別出的逾600個海灘，當中最長的為大嶼山長沙海灘，全長約2公里（上下長沙合計），其次為黃金泳灘（黃金泳灘、新咖啡灣泳灘、舊咖啡灣泳灘及加多利灣泳灘合計），長約1.2公里，按長度分析： [...]
