lrcresearcher

【亂估經濟學】樓價預測新一年又升？ 文章發佈日期：2022年1月5日 新一年花旗銀行就預測今年樓價會大幅度下跌7至10%。同時，美聯、中原等本地地產代理反而預測2022年樓價會上升5至10%不等【註一】。喺目前疫情、移民潮、通關、加息未明等等因素下，究竟應該信邊個呢？ 簡單睇番呢兩年2020年同2021年各地產代理嘅樓價預測，其中美聯喺2020年年頭，預測樓價會升5%，但到咗年尾，根據由差餉物業估價署嘅統計嘅全年私人住宅售價指數，樓價係跌左0.47%。 到2021年年頭，美聯同樣預測2021年升幅10%【註二】(施永青仲話「唔進取」咁估都升15%【註三】)，年中仲估過升到15%，但到咗今年年尾自己做嘅2021年「美聯樓價指數」總結樓價都係升得4.97%【註四】，而2021年年尾由差餉物業估價署統計嘅私人住宅售價指數顯示，計哂首11個月嘅平均樓價升幅其實只係得2.94%【註五】，就知道呢啲地產代理嘅樓市預測嘅可信性都幾低。 地產代理們亦有唔少年度預測來年樓價係跌嘅。例如2016年美聯就估會大跌15%【註六】。然而，預測嘅同時都會要求政府「撤辣」取消防止投機炒賣既物業稅，點知當年差餉物業估價署統計樓價只係跌左3.6%，最後都係估唔中。 其實樓市升跌嘅背後原因，本來係一門需要嚴謹分析各種環球經濟、市場實況、政府政策等等多方面因素先可以歸納出嚟嘅課題，而唔係簡單嘅唱好同淡咁簡單。呢啲搵個「資深地產代理」走出黎估估下，唔單只冇幫助市民理解樓市實況以及樓價升跌嘅因果關係，實際上更多可能只為想透過斷估消息製造「入市良機」的假象，或者放風造淡規管地產利益既政策。 雖然面臨巨債嘅恒大最終都未必還到上億既賣樓佣金俾地產代理，但喺疫情期間地產代理嘅業務收益仍然袋袋平安。美聯由2020年雖然虧損，但到2021年虧轉盈賺三千萬，上年年頭已經放定風要擴充增30間分行，請多近千名人手。而中原地產仲誇張，上年佣金收入增21%，可以逆市擴張新增95間分行，呢啲就真係「斷估經濟學」帶嚟嘅實際收益。 【註一】香港經濟日報：美聯：料明年樓市再闖高峯 樓價升5％至10%再破頂https://bit.ly/3zsdUkS [...]

【2020納米樓落成量再創新高!】 文章發佈日期：2021年12月27日 本研社最近統計，260呎或以下納米單位數目，由2019全年1,805伙續升至2020年2,143伙，佔總一手樓單位數10.3%，即十間中就有一間屬納米單位。 除了過往十多年納米王恆基，2020年恒大亦成為了主要納米樓供應商，單是恆大·珺瓏灣一、二期，已興建近600多個納米樓單位，當中「納米鋅盤」亦成為一時佳話。 政府在現今「告別劏房」的大綱領下，稱只會在賣地條款限單位最低面積200/210呎，然而大部分納米樓單位都來自於私人重建，將會令限呎政策近乎報廢。 今年納米樓落成數字仍在整理，儘管開始出現蝕讓潮，不過預計發展商仍然在未來繼續興建這類極細單位賺到盡，甚至下年新居屋及綠置居項目都有為數不少低至180呎的納米樓單位發售，帶頭違背剛發佈《香港2030+》人均居住面積達237呎的長遠目標，降低一般市民居住質素。 【港台新聞】本土研究社發現去年「納米樓」佔一手住宅供應約一成 https://bit.ly/3pvU9FE 【細讀版】《納錐之地》報告全文：http://bit.ly/3nd68n2 - [...]

【(冬至呈獻）無法「豕」圓：昔日野豬管理的檔案啟示】 文章發佈日期：2021年12月21日 政府對野豬政策突變，開始將野豬「妖魔化」，例如野豬「會襲擊市民」、「不是可愛小肥豬」、對人類「傳染病毒和細菌」(卻沒有提供足夠證明），以合理化無差別射殺野豬，甚至有官員將野豬與老鼠等害蟲(vermin) 相提並論，並質疑為何要納入城市規劃考慮。 野豬已經與香港人共存多年，在二戰後急速都市化的背景下，野豬與人類生活範圍日益重疊亦曾引起不少煩惱，衍生不少規劃及管理上的難題。參考港英政府有關野豬管理的解密檔案，不難發現港英政府當年對處理人豬衝突的思維，與今天特區官員有顯著差別，可以預期政策效果亦有天淵之別。 ▋五六十年代：因過度獵殺瀕臨滅絕 五六十年代，野豬在新界極為罕有。一份1960年的「野生生物保育諮詢委員會」(Wild Life Conservation Advisory [...]

【郊野公園檔案庫 活用第一炮！】 文章發佈日期：2021年12月6日 早前係唔同場合分享過私人營地嘅規劃問題，今次聯乘風火山林，將我地實習同學有份深入調查嘅兩個私人營地個案寫返出嚟。 同過往分享唔同嘅係，今次交稿之後，風火山林除咗親身去航拍緊貼實況，仲靜靜雞利用我地早前發佈嘅郊野公園民間檔案庫（見下），用舊政府文件「加料」翻查以前政府營地嘅選址準則，仲重製政府檔案1968年建議營地等嘅地圖（見圖），對比宜家私人營地瀕臨不受控，親親大自然變鏟鏟大自然嘅隱憂。 樂見我地一眾義工逐頁逐頁影落嘅歷史檔案得到活用，再次感謝仍想守護著這片土地的很多人。 圖片擷自： 風火山林【第35期】封面故事 《香港地少營多》 ──私人營地隱憂 [...]

【邊個元朗敗家仔賣祖地 搞到喺祖先面前起過渡屋？】 文章發佈日期：2021年12月15日 早有聽過新界鄉事講「有錢祠堂都可以賣」，但今次鄉事咁高調反對鄉村建過渡屋，仲自封鄉村古蹟，搞到社企「要有光」嘅屏山光村過渡性房屋近日申請由100間縮減至87間。元朗鄉事突然又「勇武」起來，除咗唔驚中央追究鄉事加劇現今社會深層次問題，睇嚟背後既關注並非保育議題咁簡單。 仔細睇番鄉事反對嘅理據，稱由於過渡性房屋嘅三塊土地選址鄰近屏山古蹟聚星樓、達德公所以及屏山文物徑，擔心會影響古蹟嘅觀賞景觀以及風水格局，仲話「誓死保護」屏山古蹟文物。早在1993年，古物古蹟辦事處已經籌辦咗屏山文物徑，沿路亦會經過古蹟聚星樓以及達德公所，仲明言得到屏山鄧族嘅支持。 但奇怪既係，咁「重視保育」嘅鄧氏鄉紳，點解呢三塊鄉村土地會落入地產商手上？我哋翻查今次三塊土地選址嘅業權紀錄，多名姓鄧嘅業權人（其中一塊土地(DD122 377)更係出名難賣嘅祖堂地) 竟然喺1997-8年將呢三塊土地賣予新世界嘅艘仔公司「偉鵬發展」(View Point Development)。呢三塊農地出售呎價仲高於當時平均市價，鄰近聚星樓嘅南面選址估計更以約$1,000呎價出售。 [...]

【重磅25,800頁 郊野公園民間檔案庫 正式上線】 文章發佈日期：2021年12月4日 Launching the “Hong Kong Country Parks [...]