港英政府：發展郊野公園邊陲？ 無得諗！
【港英政府：發展郊野公園邊陲？ 無得諗！】 文章發佈日期：2020年12月7日 明日大嶼剛過研究撥款，政府立刻將目光轉去郊野公園：位於郊野公園邊陲嘅馬鞍山村面臨滅村，將成私樓地盤，再深入山谷之處亦有新鴻基地產囤積土地蠢蠢欲動作改劃申請。 翻查今年解封嘅港府解密文件，原來郊野公園成立之初，港英政府可能已預咗有地產商嘗試喺郊野公園門口起樓呢一幕，所以訂立咗一啲規則，規管埋郊野公園邊陲近1－2公里嘅擬議發展。今次被滅嘅馬鞍山村距離郊野公園邊界只有10米【註1】，明顯政府當以前呢啲「前朝」規則無到，未知是否為發展商大茶飯開路。 港英政府： 郊公邊陲1－2km應限制發展 前郊野公園管理局(Country Parks Authority)喺1988年撰寫一份標題為"Country [...]
