活在新時代香港，資訊開放的研究工作不僅為了打開公共議題，同時亦是保存民間能有自己觀點與判斷的生存之道。
研究簡介
「有啲嘢跌咗唔好搵」，但刻意隱藏的數據與資訊，民間研究仍有僅餘方法盡力找出關鍵社會議題的事實，讓公眾還享可靠民間事實基礎，發展自己的視界與想法。活在新時代香港，資訊開放的研究工作不僅為了打開公共議題，同時亦是保存民間能有自己觀點與判斷的生存之道。
公開資料、開放數據、檔案考挖，保存香港記錄，都在2021變得空前重要。過往我們就不同研究主題備份過往數十萬頁解密文件，都能成為學者、傳媒及議題關注者拓展研究工作的素材，更從發掘中找到端倪找回政策歷史的初衷，是民間能夠發展出獨有論述的基礎。
未來我們將延續這些有關隱藏事實的研究工作，會從以下三方面開展：
研究方向（一）：開展資訊角力戰 —— 在現時政府隱藏政策基本資訊、數據及文件漸成常態。民間愈來愈難築起公眾議題討論的基礎。因而，我們需要在不同的資訊封鎖範疇，盡試任何民間仍能獲取關鍵資料的方法，為公眾理解當今社會實況提供重要基礎。
研究方向（二）：從檔案探掘真象 —— 現今進入政策動盪期，本來的政策原意輕易被隱沒在政府官方論述之中。要守護歷史原意及真象，除了保存文檔，更加需要透過整理及分析「海量」歷史文檔，還原當時的政策具體討論，並從中發掘出關鍵、回應當下、與具前膽性的真實內容。這才能引發民間討論著力點，形成民間獨到觀點的基礎。
研究方向（三）：民間自存攻略—— 來自各方面的資訊限制來得更快，我們更需同時”Back-up” 香港各種關鍵數據，為不同政策議題建立民間資訊庫，讓民間觀點仍然有所參照。自己資料自己搵，我們亦將推動一系列民間研究工作坊，分享有關「查」、「讀」、「掘」、「儲」等多種民間研究搜掘、分析及保存關鍵數據的實戰技能。
訂閱計劃
文章發佈(持續更新中)
【太公分豬肉】「精簡」祖堂地出售門檻 邊個最開心?
【太公分豬肉】「精簡」祖堂地出售門檻 邊個最開心? 未有發動土改鬥香港地主，地產商已率先成為推動土地改革的急先鋒。近日借「增加土地供應」同「簡化城規程序」嘅名目，由官員—商界—智庫三位一體連番倡議順便爭取埋幾項劇力相當既土改措施，唔單只會加劇香港土地兼併分田地，亦將會根本性改變香港城市土地格局。 早在今年4月，星島日報報導有消息人士指 (又係你呀?) ，有發展商向政府建議賦權予民政專員，「簡化」祖堂地的出售門檻至只須8成宗族成員同意，牽涉新界傳統權益、更或須改動百年《新界條例》大手術，政府已經話成立小組配合研究跟進，又唔見檢討丁屋政策咁積極? ▌「豬頭骨」都變「大肥肉」 放寬祖堂地「強拍」門檻貌似在「促進土地供應」，實際上會令政府在新界收地起公屋的難度提高。像今年6月政府動用《收回土地條例》收回元朗新鴻基地產樓盤YOHO Midtown旁的祖堂地，正是源於新鴻基無法收購餘下祖堂地地段，難以發展私樓，所以先「不反對」政府收回這塊「豬頭骨」起公營房屋，最後態度其實也是不甘不願。 [...]
地產商「投資失敗」都有安慰獎收?
地產商「投資失敗」都有安慰獎收? 文章發佈日期：2021年5月17日 上星期五政府宣布從新鴻基及新世界等手中收回3塊新界地，包括元朗YOHO Midtown旁核心地段，興建公共房屋。 睇落好似政府重手出擊「打地主」（連YOHO MidTown 旁黃金地段都收！），「重創」地產商發展大計，起公屋拯救水深火熱嘅基層市民？事情當然冇咁簡單。 呢3塊地，其實已經係政府兩年前表示會收嘅10塊地當中嘅3塊，並唔係新嘢。但現在不單止係拖延咗兩年，仲要得返一半都無。林鄭當時高調喺施政報告公佈計劃時嘅「全力以赴」增加公屋供應嘅精神，已經燃燒殆盡。 更加嚴重嘅係，南華早報剛剛揭發，原來呢3塊地似乎係地產商眼中發展唔到嘅「豬頭骨」地，對於地產商「可有可無」，政府主動收地仲可以幫手收拾殘局。 [...]
土地共孽：濕地門口層層疊 林村樓39層高人口Double
土地共孽：濕地門口層層疊 林村樓39層高人口Double 繼南豐打頭陣之後，恒基新鴻基今日再入兩個大型「土地共享」申請，分別建議喺大埔汀角路起17層、對著南生圍起25層、林村裡面起39層嘅住宅大廈，位置偏遠，一睇就知呢種由地產商主導既規劃模式出現極大問題。 極高密度唔單只衝擊地區規劃佈局，當中政府要俾動輒億億聲既修橋補路收地成本，為左服務地產商提出既山卡啦位置，拖走埋本身處理房屋土地問題既規劃資源，重有機會順路破除埋同區地產商土儲既發展限制。 如果你睇新鴻基個塊可謂貪婪之最，本身位處濕地緩衝區，發展密度由0.34變4.14，暴增12倍。地產商建議政府開個條路，重會駁到去丁屋大王王光榮(部分)持有既超巨型潛在套丁土儲，亦都好有機會順路緩解埋附近新鴻基剛拎左既1500間「跨代共居」豪宅項目。咁濕地啲雀冇得留底? 新鴻基話個樓契會要求住戶唔好光污染對出南生圍濕地，就做到減低對濕地環境影響，真係好「有效」。 其實恆基個塊都不相伯仲，39層勁過誠哥個洞梓觀世音像，本身揀個塊地係曾經先破壞後發展既經典例子，呢個發展計劃仲會帶來額外多34000人，係現時整個林村谷人口嘅約莫1.5倍，想像下林村條雙線雙程路會發生咩事，即使政府開多兩條大路幫佢駁到入林村既樽頸位，起好後包保日日大塞車，同引發原有選擇鄉村生活既居民移民潮。 究竟呢條屎橋邊個咁叻諗出黎? 翻查翻成個土地共享政策既歷史脈絡，最早追溯到工商界代表黃友嘉既智庫2012年已經提出相類似既建議，及後2017年由林鄭開展「土地大辯論」，預設地產商農地要用「公私合營」模式發展。政府話避免土地共享計劃令人有官商勾結嘅觀感，成立個「土地共享小組」提供第三方意見，竟然委任返黃友嘉做主席，真係好可信噃。 歸根究底，係公私合營呢個遊戲設定，必然導致規劃災難。呢個分地遊戲既最核心精神，說穿了就係透過倍大原有用地上既發展密度，將額外多左既樓面俾7成政府起公屋，地產商自己再在原有地盤以上擸多3成。在此玩法之下，註定左地產商一定會拎啲本身好低密度/豬頭骨既地出黎玩，再將密度無節制擠到最極大，反正都係政府出錢支撐個交通負荷，再圈埋附近既官地入去計大條數，亦都可以幫地產商收埋啲自己收唔到既小地主/民居既地。 [...]
《草木皆丁－發展新界潛在違規丁地可行性研究報告》
【重擊違規丁地 潛在套丁土儲報告全面睇】 今日(2021年5月3日）本研社出版已經是第三份有關套丁名為《草木皆丁－發展新界潛在違規丁地可行性研究報告》，10多位義工金睛火眼掃盡全新界177公頃潛在套丁地段，比起第一份《丁不厭詐》點題之作及第二份《新丁再現》深度剖析套丁案情，今次第三部曲就再下一城，將上2,000公頃中每條村每一塊潛在違規丁地，清清楚楚展露出來。 特別鳴謝一起完成研究報告的一眾義工朋友及成員，沒有他們的無償付出，基本上無可能短短半年內高速完成，揭示當今新界丁地規劃失當及鄉紳潛在套丁圖謀。 有興趣可以在以下連結細閱研究報告同地圖資料庫，冇咁多時間細讀，都歡迎望下個簡報同大大力share俾朋友： 《草木皆丁》報告全文：https://bit.ly/3nFeDcA 《草木皆丁》研究簡報：https://bit.ly/33b66EQ 《草木皆丁》新界潛在違規丁地地圖庫：https://bit.ly/3eME3AZ 研究報告發現精華： ◆ [...]
【地產商「投資失敗」都有安慰獎收?】
【地產商「投資失敗」都有安慰獎收?】 2021年5月14日，政府宣布從新鴻基及新世界等手中收回3塊新界地，包括元朗YOHO Midtown旁核心地段，興建公共房屋。 睇落好似政府重手出擊「打地主」（連YOHO MidTown 旁黃金地段都收！），「重創」地產商發展大計，起公屋拯救水深火熱嘅基層市民？事情當然冇咁簡單。 呢3塊地，其實已經係政府兩年前表示會收嘅10塊地當中嘅3塊，並唔係新嘢。但現在不單止係拖延咗兩年，仲要得返一半都無。林鄭當時高調喺施政報告公佈計劃時嘅「全力以赴」增加公屋供應嘅精神，已經燃燒殆盡。 更加嚴重嘅係，南華早報剛剛揭發，原來呢3塊地似乎係地產商眼中發展唔到嘅「豬頭骨」地，對於地產商「可有可無」，政府主動收地仲可以幫手收拾殘局。 ▍發展商收唔到「祖堂地」始「同意」政府收地 [...]
阻人上樓：發展商玩爛城規程序揼波棕大法
阻人上樓：發展商玩爛城規程序揼波棕大法 近日輿情都傾向將香港房屋短缺，歸咎城規程序複雜同政府部門「阻住發展」。但最新元朗一宗私樓規劃申請，揭露了發展商如何在程序裡「彈出彈入」，最後成功拖垮收回棕地作公屋供應。 事發經過： 2017年，規劃署喺優先發展棕地嘅民間呼聲之下，終於拍板研究收回棕地作公屋發展。 2018年，「朗豪有限公司」透過城規程序，喺元朗屏山一帶，「庸園路以東」棕地上提出申建166棟低密度住宅（A/YL-PS/565），釋出發展意向。 2019年11月，規劃署終於完成研究，將屏山一帶棕地列作「高發展潛力」，當中包括「庸園路以東」嘅棕地，但最終的收地選址建議只包含「庸園路之西」的棕地，一路之隔既「庸園路以東」棕地群則避過了政府收地，令該區原有可收回棕地面臨減半。 及後，規劃署在元朗區議會被問及為何剔走這片棕地群 (庸園路以東)時，指在進行棕地研究期間，城規會正處理上述規劃申請，因此該等地段並沒有納入檢視範圍。即是說，政府以「研究時有發展意向」為由，將該塊棕地「留起」俾有「發展意向」的發展商。 2020年中，朗豪有限公司在規劃署公佈具體邊界後，撤回該住宅申請。換言之，「發展意向」多麼幸運地成為收回該棕地的「擋箭牌」。 [...]