環境研究

發佈日期：2024年8月27日 雖然政府多番否認擱置明日大嶼，但早前取消2025年填海目標，被廣泛認為已進入了「唔提就唔存在」、瀕臨「棄島」邊緣，當中最大因素當然是急劇飆升的造價已遠超賣地所帶來的收入。不過甯漢豪今日受訪，向公眾「闢謠」指政府並無放棄填海，不過至為關鍵的最新總造價，則指「無最新估算，亦不敢再估算」，以免公眾對填海開支感到「緊張」，而以往曾在進行詳細工程研究前公佈的粗略估算（5800億）只是「破例」公佈【註1】，下不為例。首先，「不敢再估算」之說不合邏輯，政府工程都要向立法會提交估算以預留所需資金，除非甯漢豪的意思是她無意向立法會透露申請撥款，全部靠商界融資（即使動用基建債所得資金理論上亦須經立法會撥款），而商界明顯「計唔掂數」，對填海興趣缺缺。再者，公佈大型工程初步估算，以及適時更新，在過往實屬常態且為必要之舉，政府公佈的明日大嶼當初5800億初步估算，難以講得上是「破例」。而值得注意的是，過往十多年大型基建最終埋單計數時大多均超支收場，有些甚至未開展已經「超支」數倍。基建項目 [...]

發佈時間：2024年8月26日　 早前本研發布《十室狗空—香港動物寄養所用地問題研究》【註1】，揭發棕地作業者疑透過申請狗場破壞農地。幾乎話口未完，有讀者報料喺一個租車平台上，搵到一個疑似「假狗場」放租，仲以「已申請狗酒店」為標題，將大埔九龍坑一塊60,000呎已破壞農地「放盤分租」牟利，睇極相都見唔到狗酒店嘅蹤影【註2】。申請人一邊向城規會申請做狗酒店，一邊將吉地放租，咁係咪真係有心經營狗場先？同一位放租者過去亦曾多次發帖分租停車場、密封倉等用地，似乎係各類棕地作業嘅代理，唔似有經營動物寄養設施嘅經驗或意圖。廣告標題以「已申請狗酒店」作為重點招徠，是否標榜「狗酒店」是某種不可以明言嘅活動嘅通行證？正如研究報告發現，呢類動物寄養所申請通常伴隨著倒泥申請，一旦獲批，便能夠光明正大地倒泥，亦減低俾規劃署「騷擾」話佢違規發展嘅機會；另外，「狗酒店」亦容許喺農地搭建臨時建構物，或不再屬僭建，建構物亦方便某啲嘅棕地活動（例如倉庫）。查明相關地段嘅規劃申請，由一間發展公司(萬陸發展有限公司) [...]