未來環境研究

Home/未來環境研究

【又搞乜郊野】候選政客為香港人而設的「一個伏」

【又搞乜郊野】候選政客為香港人而設的「一個伏」 文章發佈日期:2021年11月26日 發展郊野公園邊陲呢個提議,喺2018年嘅「土地大辯論」中受歡迎程度近乎包尾,但似乎社會中有班人仍然鍥而不舍咬住唔放、甚至無視郊野公園政策歷史,開發郊野公園又山雨欲來。 近日有一位候選人再度翻炒郊野公園邊陲發展計劃作為政綱,而「讓年輕人$6,000 一呎上樓」嘅口號,更與稍早前某前特首嘅「屎塔蓋」郊野公園內建屋計劃倡議,極度相似【註1】。呢個時勢參選政綱重重覆覆,翻炒已經被市民ban 嘅橋就當諗咗,毫無新意。 「屎塔蓋」計劃一早已被民間批評得體無完膚,撇除生態問題暫且不提,亦有政策層面嘅漏洞。一來就係明明山下仲有大量已破壞棕地可用,二來位於原居民殯葬區(問過鄉紳未?)、三來破壞錦田南新發展區既生態走廊,最荒謬嘅都算係選址係位於大欖涌水塘集水區內,貿貿然開集水區起樓,引入大量人口(污染源),咁啲水之後仲飲得?極度懷疑而家提倡郊野公園起樓嘅候選人冇認真視規劃係一回事,甚至有冇去過郊野公園現場考察。 呢位候選人亦話大量土地劃為郊野公園未有發展,係「英國人留下來的陷阱、是一個伏」【註2】。畀呢啲講法蒙蔽,當然無法認清香港地理現實同郊野公園嘅歷史沿革—位於新界廣闊嘅腹地(hinterland),係唔少野生動物如野豬嘅棲息地,此外坡度高、發展成本極高;而現存已披露嘅解密政府檔案清楚交代郊野公園成立其中一個目標係喺城市擴張破壞到臨前,前瞻地先行保護腹地自然資源供後世永續使用。隨便指控郊野公園係陷阱係伏,令市民極度懷疑呢位候選人有冇認真探究郊野公園其實係一件乜事。 缺乏探究政策沿革嘅歷史維度、罔顧地理現實同規劃需要,胡亂提倡發展方案-如果呢個破壞水資源嘅政綱落實,咁樣真係為香港人留低咗「一個大伏」。 【註1】https://www.facebook.com/localresearch/posts/4174033316026043 [...]

2021-11-30T15:05:55+08:00十一月 30th, 2021|未來環境研究|

深圳郵輪搶閘「通關」 咁大件事政府無人講?

【深圳郵輪搶閘「通關」 咁大件事政府無人講?】 文章發佈日期:2021年11月17日 近日特首好想用盡各種辦法陸路「通關」,不過得唔到中央積極回覆,但其實深圳一方已經率先喺疫情「嚴峻」之時刺破香港海域界線。近日有一則唔顯眼嘅新聞,大陸公司「招商蛇口船」創立咗條「環香港大嶼山航線」,長驅直入香港海上遊足10個景點,第一團已經喺11月14日首航。雖然有少量本地媒體低調報導,但都只係清一色正面評價,未曾探討當中潛在問題。 呢條「環香港大嶼山航線」全程56.4海里,成個旅程會圍繞大嶼山一圈,又睇香港機場、經青馬大橋、維多利亞港、長洲、天壇大佛(@_@)、港珠澳大橋,「東西人工島」,重講明會去白海豚自然保護區(!?),話「打造集旅遊地產、母港經濟、郵輪產業」嘅「高端郵輪旅游生態圈」云云。 「旅遊地產」先唔講,單睇去「白海豚自然保護區」睇海豚,究竟係咪會走入海岸保護區? 根據香港《海岸公園及海岸保護區規例》,駛入船隻速度唔可以超過10節,否則有高速船經過,海豚就會停止覓食,太過頻繁會攪到佢地冇啖好食,但呢隻「大灣區二號」航速係14節,就算唔違法駛入海岸公園,成隻350人豪華遊輪走去追豚睇都同趕盡殺絕冇分別。 另外,深圳船喺香港彈出彈入,究竟有冇出入境等執法問題? 大灣區一號標榜呢條係「國內首個只需身份證,便可登船環繞大嶼山海上觀光的航線」,意味住完全唔駛做香港出入境手續,開船P又駛唔駛跟599G? 過往幾年其實暗中已經有一啲「旅遊地產」項目浮現過,例如被評為「富豪遊艇樂園」嘅雅居樂南丫島博寮港計劃,都係想發展遊艇+渡假+地產一站式嘅開發,若果加埋自出自入嘅深港航線就一理通百理明。但唔係所有叫自己「大灣區」都係做梗對大灣區好嘅事,究竟會唔會違反咗國家「房屋只住不炒」嘅總體方針? 大灣區自出自入航線開通平日肯定大張羅鼓,但港府一方一反常態唔邀功,反而出奇低調,係咪都預視到將會導致香港海洋空間過度旅遊化,聲稱大嶼山北發展「南保育」都會成為一個笑話?! [...]

2021-11-18T17:13:23+08:00十一月 18th, 2021|未來環境研究|

明日大嶼會重蹈三跑覆轍?

【明日大嶼會重蹈三跑覆轍?】 文章發佈日期:2021年9月8日 近日林鄭月娥大肆吹噓赤鱲角機場三跑填海工程技術,將會喺「明日大嶼大派用場」(註1)。林鄭不斷聲稱技術好先進,好環保,但就無視上年三跑工程先鬧過「海砂荒」。言下之意係咪明示明日大嶼都會面對三跑工程嘅各種問題? ▌技術成功,但海豚無晒 林鄭大讚現時運用嘅「深層水泥拌合法」聲稱對於海洋生態影響好低,不過上個月公佈嘅官方報告指香港海域棲息嘅中華白海豚數字持續下跌,直至上年喺大嶼山一帶整體數目估計只餘下37 條中華白海豚,近一半幼豚過唔到兩歲,真係好無陰公(註2)。即係工程好環保,但係生物無晒,咁都得? ▌哪有沙? 除咗海豚被趕盡殺絕,回顧三跑填海工程進口砂粒嘅高峰期,2019年同2020年兩年分別為工程進口5百萬公噸及4.5百萬公噸嘅砂粒,從中國大陸佔整體進口砂粒來源嘅比例分別係約20%及85%(註3),所以三跑填海工程仍然可以話係對大陸進口砂高度依賴。因此,先會爆出因為海砂採購困難,三跑「主要填海工程」嘅承建商攤大手板要求機管局,喺原價153億合約之上額外增加168億,否則工程就會延誤兩年(註4)。最後,事件夾硬要立法會增加撥款畀承建商80億埋單,令填海工程嚴重超支。 大陸近年海砂同河砂供應緊張,最新嘅「十四五規劃」喺海洋保育嘅段落更提出「海碧生多、岸美灘淨、河清海晏」等六大目標(註5)。可以預期近期重視保護海岸線同河岸生態嘅國策之下,填海以及沿海地方浚挖海砂對生態嘅影響備受關注,地方政府推動嘅填海項目好多都被剎停,明日大嶼如果想由大陸進口海砂同河砂將會愈嚟愈艱難。 ▌港人埋單16年 [...]

2021-11-16T18:46:12+08:00十一月 16th, 2021|未來環境研究, 都市化洋謀專題|

早期郊野公園規劃:禁止「破壞邊洲」觀景台

【早期郊野公園規劃:禁止「破壞邊洲」觀景台】 文章發佈日期:2021年9月12日 政府主導嘅「周遊六角」山徑設計比賽結果近日出爐,「破邊洲觀景台」嘅設計概念非常震撼,但都不及對香港地質公園嘅景觀保育(landscape conservation)嘅潛在衝擊大。呢啲係自然景觀上突出嘅龐然人造巨物,象徵住以往郊野公園設施嘅低調、不經不覺融入自然嘅設計概念已逝,取而代之嘅係一個又一個吸引人流、有意無意地提供視覺震撼嘅「打卡熱點」。 回顧1970-80年代郊野公園初期規劃文件,呢類具視覺侵略性(visually intrusive)嘅設施,根本唔可以係破邊洲旁邊出現。何況今日破邊洲一帶已貴為世界地質公園(Global GeoPark),若果持續搞呢啲打卡設施帶來景觀破壞,會否為動搖其地質公園地位屬未知之數。 ▌破邊洲規劃:禁止視覺災難康樂設施 本土研究社早前透過《公開資料守則》,獲得一份西貢郊野公園嘅「發展限制圖則」(Development Control [...]

2021-11-16T16:44:43+08:00十一月 14th, 2021|未來環境研究, 開放資訊研究|

明日大娛:未來郊野公園如何淪為一個大型遊樂場?

《明日大娛:未來郊野公園如何淪為一個大型遊樂場?》 文章發佈日期 : 2021 年 6 月 16 日 早前傳媒揭發有露營車公司喺大嶼山芝麻灣郊野公園範圍內砍伐1公頃林木,政府竟只對犯案者罰款$500,較早前民政署亦配合開路讓工程進行【註1】,開發郊野公園邊陲已係政府默許下打開序幕, [...]

2021-11-14T15:08:36+08:00十一月 14th, 2021|未來環境研究|

開發郊野公園就解決到房屋問題?

【開發郊野公園就解決到房屋問題?】 文章發佈日期: 二零二一年五月二十七日 近年浮現一個香港土地發展史多年未有嘅新觀念:只要開發少部分郊野公園用地增加土地供應,就能夠解決房屋問題甚至「打倒地產霸權」,非常能夠吸引眾人眼球。未知與特首競選活動有否關係,近日有一疑似候選人再度炒熱郊野公園邊陲建屋建議,更加誓言即使「既得利益阻力巨大」,都希望建議能夠「翻閹」。 雖然呢個建議喺2018年「土地大辯論」中已被市民丟入垃圾桶,但有人仍然如獲至寶,成件事似乎唔止係「跑馬仔」咁簡單。要理解背後動機,或者了解開發郊野公園邊陲建屋係咪真係能夠打擊地產霸權,最有效嘅方法就係分析究竟係邊啲人最支持呢種講法。 【地產商支持推冧樓價?】 透過輿論分析,搜尋自2013年起(政府開始提出發展郊野公園)嘅新聞,唔難發現公開高調支持發展郊野公園嘅人士,唔少其實係地產商本身,以致有潛在利益嘅地產代理、工程界及測量界(好可能都係選委),莫非佢哋都想倒自己米,增加土地供應推冧樓價,惠澤市民? 事情當然唔係咁簡單。以下只係少部份嘅節錄: ▍「大戰略家 」: [...]

2021-11-14T01:27:07+08:00十一月 14th, 2021|土地研究, 未來環境研究|

【郊野殺手 再度空群而出】末日倒數:開發郊野公園

【郊野殺手 再度空群而出】末日倒數:開發郊野公園 文章發佈日期:2021年5月13日 兩年前因為社會激烈反對而胎死腹中嘅割讓郊野公園建議,最近悄悄地死灰復燃,香港一場後花園大火隨時一觸即發。梁振英今日係社交網站【註一】重提郊野公園邊陲起樓嘅可能性,以解決房屋短缺問題,疑似展開特首「跑馬仔」序幕。 梁振英認為,值得將呢個公眾已經明確否決嘅建議,「拿出來試一試」,因為割讓嘅土地「只不過是千分之二」,不過梁生同時亦講呢個係「試驗計劃」,「如果大家認為這個計劃是可行的,這個計劃是可以複製」,明顯缺口一開,割讓郊野公園計劃將排山倒海而來。 根據以往經驗,政府「採納」意見推行大型發展計劃之前,均有不少既得利益者會蜂擁而出扮演成民間聲音【註二-見東大嶼例子】。相關提議「見報率」越高,代表實行可能性越高。我哋留意到近日有關「發展郊野公園邊陲」嘅輿論,相較2019及2020年激增,單係2021年,已多達51篇(截至今日),即係差唔多每兩日半就有一篇,講法亦同以往大不同: 赤裸化:「是否應該考慮修改一些過時的法例(例如有關郊野公園的發展限制),以改善一些不必要的框架和枷鎖呢 ?」(梁粉劉炳章)【註三】 暴力化:(疑似拍枱)鬧官員輕易推翻開發郊野公園建議 (工程界議員盧偉國)【註四】 [...]

2021-11-14T14:57:55+08:00十一月 14th, 2021|未來環境研究, 短打|

膠嘢巨mon:廢、無效、核突低俗、要經常維修

【膠嘢巨mon:廢、無效、核突低俗、要經常維修】 文章發佈日期: 二零二一年四月十二日 前排本研研究員發現荔枝窩村口嘅告示牌,變成一部發光LED mon,連同另外三部於其他郊野公園嘅相同設施,盛惠92萬。花近百萬【註1】,以為有咩超卓功能,例如會閃出金光,但原來只係播天氣同宣傳短片 ,淪為「廢mon」,連原有指示牌實用、遊人必須嘅嘅荔枝窩村地圖都拆埋。 漁護署辯護話,LED mon 可以提供即時資訊例如突變天氣,令行山人士可以更改路線,仲好醒咁話過咗6點後會熄螢幕【註2】,唔會有光害咁話喎 (行夜山就無突變天氣?其實天文台app [...]

2021-11-14T15:09:44+08:00十一月 14th, 2021|未來環境研究|

郊野巨mon 閃亮登場

【郊野巨mon 閃亮登場】 文章發佈日期: 二零二一年四月五日 復活節長假,本研研究員外出郊野公園考察,驚見喺荔枝窩村屹立一座新設巨型LED mon,近睇嘅話,唔講以為自己去咗麥當勞點餐,就算遠睇,黃昏天色陰暗時亦會閃到頭暈暈。 個LED mon位於荔枝窩協天宮同小瀛學校旁邊、古榕樹對面,同旁邊鄉村環境絕對不匹配。雖然烈日當空時絕對睇唔到發光嘅螢光幕,但刺眼光線係夜晚猶如漆黑中嘅螢火蟲,非常出眾;可惜螢幕展示嘅,只係手機都睇到嘅天氣資料,所以呢個LED mon嘅實際功用,接近係零,冇郊遊人士駐足觀看,佢嘅存在只係會帶來光害。而且室內電子儀器放喺室外日曬雨淋,保養成本一定高。 呢個LED [...]

2021-11-14T01:16:41+08:00十一月 14th, 2021|未來環境研究|
Load More Posts
Go to Top