房屋政策

Home/房屋政策

【挫棕複雜:地產商疑似「橫刀奪地」離奇事件簿】

【挫棕複雜:地產商疑似「橫刀奪地」離奇事件簿】 民間多年來終於推動到政府檢視新界棕地發展,但至今只係肯額外收多唔夠50公頃 (佔全港2000公頃棕地約2.4%) 嚟做公營房屋。成日話新界地權問題「錯綜複雜」,近日有單好少人為意嘅規劃申請,好可能揭示出地產商在棕地上有「橫刀奪地」之嫌,可以折射到香港土地問題既一大癥結。 事源,今年6月流浮山有個城規會佔地足足5公頃既規劃申建【註1】,擬建10棟私樓共4,829伙 (申請編號: YL-LFS/12)。申請文件中煞有介事提到,增加住宅供應刻不容緩,請求城規會盡快通過,更直指進行中既棕地發展檢討,並不切合「轉變中的規劃狀況」,例如申請地點附近將有「不少的公營房屋發展」,且鄰近天水圍新市鎮,若城規會批准發展私樓,將「能平衡公營和私營房屋的比例」。【註2】 申請文件附夾申請具體地點,基本上與規劃署今年3月提出第二階段收回棕地的沙江圍北選址相當刎合【註3】(位置相約,涉及棕地面積同樣為5公頃),係政府現時收堆棕地裡面算係較大既一塊。 經過我地進一步查冊,仲發現一個十分古怪的情況。該地塊註冊交易時間為2021年5月,但實際交易時間為2014年6月。如果查冊資料屬實,顯示發展商「新金盛有限公司」足足拖左7年後才將土地交易註冊。 [...]

2021-08-28T16:35:05+08:00八月 28th, 2021|房屋政策|

【政府加碼補貼過渡屋每間55萬 成本緊貼公屋單位】

【政府加碼補貼過渡屋每間55萬 成本緊貼公屋單位】 被御為係林鄭房屋新政既「過渡性房屋」政策,本來係民間一個「快靚正」既解決房屋問題選項,到近年政府搵左唔少夾地產商拎私人地俾社福機構做,之前已經俾民間批評過變左幫地產商平整定塊生地既「過橋屋」。 近日立法會文件揚左成份(已)啟動清單出黎,成日話搵唔到地原來話有就有,過半選址曝光左唔少囤積多年既地產商私人土儲,15,000個臨時單位話咁易輕易「達標」,在任期將至標榜自己房屋政策冇「走數」,又有幾真? 成份文件一大「亮點」,可以睇到政府「優化」左最新過渡性房屋既補貼政策,變左起一間貨櫃屋政府會補貼最多55萬,對於一間只用幾年貨仔既貨櫃屋,成本可以講得上係天價。 對比番55萬補貼一個臨時房屋單位,2021年起一間用到幾十年既公屋單位最新建築成本,都只不過係61萬一間。如果塊私人地最後由政府收番繼續做過渡屋就冇可厚非,但如果係拎出黎幾年就俾地產商收番起豪宅,根本係極度浪費公帑既補貼做法,點解政府唔直接收番塊地黎起公屋? 當然條數唔知伙拍團體之間點claim補貼,但單睇恆地兩塊棕地土儲伙拍「新界社團聯會」起成2,000幾個過渡性房屋,咁已經可以拎成11億政府補貼。而地產商出黎「免費」平整土地等起豪宅既成本,又會唔會可以暗中計左入去每個單位個55萬補貼裡面? 立會文件基本上冇詳細交代,立依家法會亦唔知重有冇足夠智慧去追問呢個問題。 今次計劃亦狠狠打破左政府一路以黎既棕地謊言。在選址方面,完全印證左其實就算幾偏遠既棕地都好,都可以拎到出黎做「資助房屋」,例如位處粉錦公路旁,介乎於林村同橫台山之間既「打石湖村」,一直都係棕土集中營。政府成日話因為位置偏遠唔適合收黎做鄉村式公屋,但係新世界用黎做居民組群一樣既過渡性房屋,起510間4層近千人住,一下變得就得,點解唔慳番成2億補貼直接收左佢起鄉村式公屋? 如果真係拋55萬一間咁起過渡屋,冇十年經營根本唔抵做,唔係既話其實只係幫地產商收起啲土儲過渡起豪宅。但似乎政府為左急忙交數,明明唔夠公屋居樓,死都唔肯收埋地產商囤積多年既土儲,俾佢地夾啲社福團體「過冷河」,補貼到差唔多同起公屋成本冇分別。 [...]

2021-08-27T19:19:19+08:00八月 27th, 2021|房屋政策|

【九龍大洗牌﹕旺角油麻地重建現況報告】

【九龍大洗牌﹕旺角油麻地重建現況報告】 市建局的角色設定就是以法定機構身份𢯎盡著數,發展可以免補地價,又有收回土地條例特權收地,以往仲會食街賺發展面積等。最新旺角油麻地重建研究正提交發展局審視(註1),預期會攤大手板要求放寬發展地積比 / 發展密度以及免費取得附近官地等新優待。 市建局準備在旺角和油麻地兩區範圍食大茶飯的前夕,值得一齊檢視重建對旺角、油麻地兩帶來的主要改變。透過整理屋宇署批出拆樓紙(拆卸工程同意書)的樓宇,一共整合了2005至2019年間樓宇重建後的現況: ================= ●發現一:15年60個重建地盤用途大不同 油旺中15年來有60個重建地盤的發展紀錄(註),當中11個為市建局項目,49個為私人重建,重建地盤佔地合共約340,000平方呎,。重建前後比較,寓所/商業處所(旺角區內住宅大廈類型),佔整體重建地盤面積的比例由71.8%,減少至62.1%,與此同時,酒店的佔地盤面積則由0.9%上升至19.1%。 市建局及私人重建後用途分佈 [...]

2021-08-27T17:56:30+08:00八月 27th, 2021|房屋政策|

【Fact Check「告別劏房」注定失敗】

【Fact Check「告別劏房」注定失敗】 夏寶龍展示國安法通過後管治香港的新秩序,揚言2049年前香港要「告別劏房」。財政司司長陳茂波隨即附和「有得搞」,但被御為「豪宅劏房」的納米樓又是否會告別香港? 我們年初公佈《納錐之地》研究報告,盤點過往十年 (2010-2019) 新落成單位的「納米化」(實用面積260呎以下)狀況,從數據庫中發現愈起愈多。現時我們特意再進一步更新了2020至2021年5月,以及正在出售樓花的納米樓的最新數字。 分析整體趨勢,可以見到並非如一些「市場消息」指納米樓已經愈起愈少:2019年一共落成了1805間納米單位,到2020年數字已經破頂,上升至2143間,佔整體一手供應10.26%,同時間仍有1299間納米單位正在預售樓花。 如果仍有如此大比例的納米單樓落成,計其建築50年壽命必超2049年,今天繼續容許起這些豪宅劏房,豈不是在暗中與「告別劏房」打對台? 在最新納米樓數據中,興建最多納米單位的樓升恆大 [...]

2021-08-26T15:11:31+08:00八月 26th, 2021|房屋政策|
Go to Top