【丁屋生意 馬照跑舞照跳】
【丁屋生意 馬照跑舞照跳】 文章發佈日期：2021年7月23日 721 兩周年，白衣人終被判刑，今年3月村屋大王王光榮因涉嫌套丁被廉署請飲咖啡，一度令人以為鄉黑末日終於來臨。咁諗或者過份天真，近日研究員發現，套丁活動疑似繼續活躍，地點仲要喺正屯馬線洪水橋站300米外嘅黃金地段。呢啲不法產業，好可能係政府部門咪埋隻眼下繼續「馬照跑、舞照跳」。 ▌若涉套丁 發展利潤超過2億 事發地點喺洪水橋田心村，位處未來洪水橋新發展區核心地段，牽涉一幅面積達7000平方米嘅棕地，查冊顯示，地段由寶標有限公司(TREASURE TARGET [...]
