發佈時間：2022年9月21日 近日元朗工業邨回收廠Mil Mill本地鄉郊工業可能被迫遷，政府亦打算係Mil Mill所在地隔離條村焫着另一火頭。今月有傳發展局有意重研鄰近元朗工業村的蝦尾新村及沙田排頭村「鄉村擴展區」。比起提供予Mil Mill 的山旯旮、貴租短期撥地作「挽留措施」，政府竟打算以賤價永久將擱置二十多年的官地賣給原居民村作「鄉村擴展」。兩地合共3.6公頃坐落新市鎮的邊緣、鄰近基本配套的靚官地「留座」，看來是「嫌地太多」。 這些鄉村擴展區的計劃本為現時鄉村範圍「擴界」，由政府統一收地作更完善的鄉村基建規劃，以公帑平整「整靚」塊地，再以私人協約的批地平價售予原居民建丁屋。現時房屋問題迫切，公屋覓地困難，但政府地仍然以賤價售出予原居民起丁屋，以目前丁屋的密度計算，每公頃只能興建40間三層高丁屋，土地使用效益明顯比高密度公屋較低，尤其蝦尾新村及沙田排頭村「鄉村擴展區」選址位處新市鎮邊緣及貼近道路配套，其中沙田排頭村更位於港鐵站旁，可謂是土地浪費。 [...]
【睇完判詞 鄉事顧問預言2029斷丁】 文章發佈日期：2021年11月18日 上兩星期丁權終審案判決一出，研究社即時獨家分析最大贏家係政府而非鄉議局【註1】，因為政府已掌有丁屋政策「全面管治權」。但當日鄉議局開記招時仲樂觀咁歡迎判決，指丁權已終極合憲，仲叫政府唔該批快啲、批多啲丁屋，好似以為自己贏咗官司咁，明顯只係睇個表面結果而冇細閲判詞入面有冇「裝彈弓」。 唔知係咪啲鄉事之後先有時間睇清楚判詞，身為師爺嘅鄉議局顧問薛浩然近日接受報紙訪問【註2】，口風大轉指對丁屋政策未來由「勝利」變「悲觀」，更首度預言丁權將會係2029年「自然死亡」。遲左足足兩個星期方恍然大悟，其實鄉事好有可能都明白係贏左場交，但輸左場仗（winning the battle, losing the war). 事實上，前發展局長林鄭喺2012年曾經提過類似觀點，為丁屋落下「夕陽條款」—即因應基本法於2047年到期，2029年或以前出生的男丁才有機會趕在2047大限前年滿18歲而申請丁屋，當年鄉事派幾乎立即反枱，話2047年終結丁權會出現好多問題，目前言之尚早云云。現在由鄉議局顧問親口承認丁權將死，就知道鄉事都意識到丁權問題再唔係自己說了算。 [...]
【判辭分析】丁權覆核終章 點解重有後續好戲睇? 文章發佈日期：2021年11月8日 丁權終審判決丁權合憲，驟眼睇呢個特權將會永續落去，但仔細睇判詞就知今次嘅判決表面上係確立原居民丁權合憲，但實際係對鄉事有「削權」之意。 我們在丁權覆核6年間一直跟進官司詳情，以下就34頁嘅判詞作出基本分析，為大家分享終審判詞影響較為深遠嘅觀點。 丁權削權：政府先係最後贏家 報導主要都講判決裁定丁權呢種特權係基本法40條所保障既「傳統權益」，但究竟丁權係一種乜野性質既權，今次終審卻有大刀闊斧落墨。 鄉議局一直以來都堅持丁權係自有永有、原居民與生俱來嘅權利，即係政府唔應該限制原居民嘅「自由建屋權」。但今次判詞定義丁權嘅權利與利益（rights and interests) 嘅時候，第39段話，丁權只係「內在不完美」嘅權利 [...]
【廢唔到 可能會有40層丁廈？】 文章發佈日期 : 2021 年 11 月 4 日 [...]
【丁屋生意 馬照跑舞照跳】 文章發佈日期：2021年7月23日 721 兩周年，白衣人終被判刑，今年3月村屋大王王光榮因涉嫌套丁被廉署請飲咖啡，一度令人以為鄉黑末日終於來臨。咁諗或者過份天真，近日研究員發現，套丁活動疑似繼續活躍，地點仲要喺正屯馬線洪水橋站300米外嘅黃金地段。呢啲不法產業，好可能係政府部門咪埋隻眼下繼續「馬照跑、舞照跳」。 ▌若涉套丁 發展利潤超過2億 事發地點喺洪水橋田心村，位處未來洪水橋新發展區核心地段，牽涉一幅面積達7000平方米嘅棕地，查冊顯示，地段由寶標有限公司(TREASURE TARGET [...]
721元朗恐襲已三個月，市民絕對唔會就此忘記，鄉黑對於香港市民不可磨滅的傷害。鄉黑之所以如此肆虐，全靠源源不絕嘅不法財源養住佢哋，其中一個最重要嘅財源就係「套丁」。